लंडनमध्ये प्राजक्ता माळीचा सुंदर फोटो काढला कुणी? म्हणते, सगळंच स्वप्नवत!
लाइफस्टाइल

लंडनमध्ये प्राजक्ता माळीचा सुंदर फोटो काढला कुणी? म्हणते, सगळंच स्वप्नवत!

मुंबई : अभिनेत्री प्राजक्ता माळी सोशल मीडियावर खूप लोकप्रिय आहे. तिचे फोटो, व्हिडिओज लगेच व्हायरल होत असतात. आताही गेले काही दिवस ती लंडनला शूटिंग करतेय. तिच्या बरोबर संकर्षण कऱ्हाडे, वैभव तत्त्ववादी, आलोक राजवाडे, हृषिकेश जोशी आहेत. शूटिंगनंतर ही कलाकार मंडळी परदेशात भटकंतीही करत आहेत.

प्राजक्तानं एक फोटो शेअर केला आहे. त्यात ती विंडसरला आहे. नदीवरच्या पुलावर ती उभी आहे. तिनं लिहिलं आहे, सगळं स्वप्नवतच होतं. लंडनमधलं सौंदर्य ती प्रत्येक फोटोत दाखवत आहे आणि हा तिचा फोटो कुणी काढला ठाऊकेय? तिचा सहकलाकार वैभव तत्त्ववादीनं हा सुंदर क्लिक केलाय. अभिनेत्री या फोटोत खूपच सुंदर दिसत आहे.

अभिनेत्री लंडनहून काही ना काही शेअर करत असतेच. मध्यंतरी तिनं एक पोस्ट शेअर केली होती. त्यात तिनं लिहिलं होतं, ‘मैं जहाँ रहूँ, मैं कहीं भी हूँ, तेरी याद साथ है’ यावर अनेकांच्या भुवया उंचावल्या. पण लगेचंच तिनं त्याखाली लिहिलं आहे, ‘(गैरसमज नसावा , प्रिय भारताला उद्देशून म्हणतेय.)’ या पोस्टवर अनेक हार्ट इमोजी आल्यात. कोणी म्हटलंय, तू भारीच आहेस. कोण म्हणतंय, तू गोड दिसतेस. एकूणच चाहते या पोस्टवर खूश आहेत.

लंडनला गेल्यावर प्राजक्ता खूश आहे. तिनं म्हटलं होतं, ‘जवळपास अर्धी मराठी इंडस्ट्री लंडनला येऊन फिल्म शूट करून गेली. मलाही हा अनुभव घ्यायचाच होता. सरतेशेवटी मी इथे आहे.’ आता कुठल्या सिनेमाचं शूटिंग सुरू आहे, त्याबद्दल अजून कळलं नाहीय. पण ते लवकरच कळेल.