ATM मधून पैसे काढताना ‘या’ चुका कराल तर अकाउंट होईल रिकामे, मिनिटांत गमवाल आयुष्यभराची कमाई
इन्फोटेक

ATM मधून पैसे काढताना ‘या’ चुका कराल तर अकाउंट होईल रिकामे, मिनिटांत गमवाल आयुष्यभराची कमाई

ATM Tips For Safety गेल्या काही काळात हॅकर्स खूप सक्रिय झाले आहे. लोकांचा डेटा चोरून त्यांचे नुकसान करण्याचे विविध मार्ग हे हॅकर्स शोधत असलयाचे दिसून येते. ऑनलाईन फ्रॉडसोबत सध्या एटीएम फसवणुकीच्या घटनांमध्ये झपाट्याने वाढ होत आहे. एटीएममधून पैसे काढण्यात थोडासा निष्काळजीपणा केला तर तुम्ही मेहनतीने कामविलेली आयुष्यभराची कमाई हे चोरटे मिनिटात गायब करू शकतात. येथे लक्षात घेण्यासारखी गोष्ट म्हणजे अशा घटना रोजच घडत असतात आणि त्याची जाणीव असूनही आपण त्याच्या जाळ्यात अडकतो. अशा परिस्थितीत, जर तुम्हालाही एटीएम फ्रॉड टाळायचे असेल तर हि विशेष माहिती नक्कीच तुमच्या कामी येईल. आज आम्ही तुम्हाला अशाच काही टिप्स सांगणार आहोत ज्या एटीएम वापरताना होणार्‍या फसवणुकीपासून तुमचे संरक्षण करतील. जाणून घ्या या टिप्स आणि एटीमने व्यवहार करताना राहा सावध.

रद्द करा बटण दाबा: अनेक लोक मशिनमधून पैसे बाहेर आल्यानंतर पैसे घेतात आणि लगेच निघून जातात. तुम्हीही असेच करत असाल तर ही सवय लगेच बदला. एटीएममधून पैसे काढल्यानंतर, व्यवहार पूर्ण होईपर्यंत तिथेच थांबा आणि शेवटी कॅन्सल बटण दाबल्याशिवाय एटीएममधून बाहेर पडू नका. लक्षात ठेवा की व्यवहार पूर्ण झाल्यानंतर, स्क्रीनवर स्वागत लिहिले जाते आणि एटीएम कार्ड स्लॉटमध्ये प्रकाश चमकू लागतो. सर्व प्रक्रिया पूर्ण झाल्यानंतरच एटीएममधून बाहेर पडा. असे न केल्यास तुमच्या नंतर पैसे काढायला आलेल्या व्यक्तीला तुमची माहिती मिळू शकते. ज्याचा ते गैरवापर करू शकतात.

पिन लपवा: कधी-की आधी एटीएममध्ये पैसे काढण्यासाठी गेले असता. बाहेर गर्दी असते. अशा वेळी मशीनजवळ देखील काही लोक थांबून असतात. यावेळी विशेष सावध राहा. तुमची माहिती त्यांना कळणार नाही याची काळजी घ्या. पैसे काढण्यासाठी तुम्ही एटीएममध्ये पिन टाका तेव्हा लपवा. एटीएम कीबोर्ड आपल्या हाताने झाकण्याचा प्रयत्न करा. तसेच, शक्य तितक्या एटीएम मशीनच्या जवळ उभे रहा. जेणेकरून पिन सहज लपवता येईल. असे न केल्यास तुमचा पिन आणि कार्ड इतर व्यक्तीच्या हाती गेल्यास ते तुमचे अकाउंट रिकामे करू शकतात.

अनोळखी व्यक्तींच्या मदतीला बळी पडू नका: एटीएममधून पैसे काढत असताना अनेकदा मशीन नीट काम करत नाही. अशात पैसे काढणारा व्यक्ती घाबरतो आणि तिथे उपस्थित लोकांची मदत घेण्याचा प्रयत्न करतो. पण, एटीएम वापरताना कोणाचीही मदत घेण्याचा प्रयत्न करू नका. पैसे काढायला थोडा जास्त वेळ लागला तरी एटीएमजवळ कोणालाही येऊ देऊ नका आणि कार्ड आणि पिन सांगू नका. हे लोक तुम्हाला चर्चेत ठेवतील आणि कार्ड रीडरच्या मदतीने एटीएम कार्ड स्कॅन करतील आणि संपूर्ण तपशील काढतील आणि तुमच्या लक्षातही येणार नाहीत.

Don’t Share PIN

एटीएम पिन आणि कार्ड कोणालाही देऊ नका: एटीएम मधून पैसे काढतांना अनेक जण ही चूक करतात. तुम्हीही करत असाल तर लगेच थांबा. अन्यथा मोठे नुकसान होऊ शकते. घाईघाईत पैसे काढण्यासाठी अनेकदा आपण आपल्या मित्रांना किंवा नातेवाईकांना एटीएम कार्ड आणि पिन देतात. अशी चूक करू नका. आजकाल अशा घटनाही समोर येत आहेत ज्यात जवळच्या लोकांनी लाखो रुपयांची फसवणूक केली आहे. जर तुम्ही चुकून एटीएम पिन आणि कार्ड कुणाला दिले असेल तर ताबडतोब कार्डचा पिन बदला.

ATM Pin

एटीएम पिन: एटीएम पिन अतिशय जपून वापरा. लक्षात ठेवा की, तुम्ही एटीएममध्ये पैसे काढण्यासाठी जाणार आहात तेव्हा तिथे कोणीही नाही. जर कोणी तेथे उपस्थित असेल तर त्यांना जाण्यास सांगा आणि संशय असल्यास, त्या एटीएममधून ताबडतोब बाहेर या.

एटीएम तपासा: एटीएममधून पैसे काढण्यापूर्वी, एटीएमच्या आतील बाजूस एक नजर टाका आणि तपासा की तेथे कोणताही छुपा कॅमेरा नाही. एटीएम कार्ड स्लॉट देखील तपासा. काही वेळा हॅकर्स कार्ड स्लॉटच्या जवळ कार्ड रीडर चिप लावतात, ज्यामुळे एटीएम कार्डचा डेटा चोरला जातो आणि तुम्ही फसवणुकीला बळी पडू शकता.