Xiaomi NoteBook Pro 120G आणि NoteBook Pro 120 लाँच, प्रोसेसर आणि बॅटरी आहे झकास, पाहा किंमत
इन्फोटेक

Xiaomi NoteBook Pro 120G आणि NoteBook Pro 120 लाँच, प्रोसेसर आणि बॅटरी आहे झकास, पाहा किंमत

नवी दिल्ली:Laptop Launch: Xiaomi Notebook Pro 120G आणि Xiaomi Notebook Pro 120 लॅपटॉप मॉडेल भारतीय बाजारपेठेत ग्राहकांसाठी लाँच करण्यात आले आहेत. ही मॉडेल्स कंपनीने गेल्या वर्षी लाँच केलेल्या Xiaomi Mi Notebook Pro चे अपग्रेड व्हर्जन आहेत. 120G मॉडेल अनेक सुधारणा आणि नवीन वैशिष्ट्यांसह परिपूर्ण आहे आणि नोटबुक प्रो 120 इंटिग्रेटेड GPU सह लाँच करण्यात आले आहे. दोन्ही मॉडेल्सच्या किंमती आणि फीचर्सबद्दल सविस्तर बद्दल माहिती जाणून घेऊया.

डिस्प्लेबद्दल बोलायचे झाल्यास, या मॉडेलमध्ये १४ -इंचाची स्क्रीन आहे. जी २.५ K रिझोल्यूशन आणि १२० Hz रिफ्रेश रेट देते. हे मॉडेल १६:१० आस्पेक्ट रेशो सह येते. उत्कृष्ट ग्राफिक्ससाठी Nvidia GeForce MX550 GPU सोबत या लॅपटॉपमध्ये १२व्या पिढीचा इंटेल कोअर i5 H मालिका प्रोसेसर वापरण्यात आला आहे. लॅपटॉपमध्ये 16 GB पर्यंत LPDDR5 RAM आणि 512 GB PCle Gen4 SSD स्टोरेज आहे. बॅटरीबद्दल बोलायचे झाले तर या मॉडेलमध्ये ५६ Whr बॅटरी देण्यात आली आहे. जी संपूर्ण दिवस चालते आणि १०० W फास्ट चार्जला सपोर्ट करते असे सांगितले जात आहे.

इतर फीचर्सबद्दल बोलायचे झाल्यास, ग्राहकांना या मॉडेल्समध्ये बॅकलिट कीबोर्ड, फिंगरप्रिंट सेन्सर, ड्युअल स्पीकर सेटअप, ड्युअल कूलिंग सिस्टम, वाय-फाय 6, एचडी वेबकॅम आणि ब्लूटूथ आवृत्ती 5.2 सारखी वैशिष्ट्ये देखील देण्यात आली आहेत. कनेक्टिव्हिटीसाठी पोर्ट्सबद्दल बोलायचे झाल्यास, चार्जिंग आणि डेटा ट्रान्सफरसाठी टाइप-सी थंडरबोल्ट v4 पोर्ट, टाइप-सी पोर्ट, 3.5 मिमी हेडफोन जॅक आणि यूएसबी टाइप-ए पोर्ट प्रदान केले आहेत.

लॅपटॉपची भारतात किंमत :

या Xiaomi लॅपटॉपची किंमत ७४,९९९ रुपये ठेवण्यात आली आहे. तर, Xiaomi Notebook Pro 120 खरेदी करण्यासाठी ६९,९९९ रुपये खर्च करावे लागतील. उपलब्धतेबद्दल बोलायचे झाल्यास, दोन्ही मॉडेल्सची विक्री पुढील महिन्यात २० सप्टेंबरपासून सुरू होईल. ग्राहक हे मॉडेल्स कंपनीच्या अधिकृत साइटशिवाय Amazon वरून खरेदी करू शकतील.